गैरे सुरेशको प्रेमिल भावनाको ‘मीरा हुँ म तिम्री’ गीत सार्वजनिक (भिडियोसहित)
कागजपत्र |
काठमाडौं – फेब्रुअरी महिनालाई प्रेमको महिना पनि भन्ने गरिन्छ । त्यसै अवसरमा भ्यालेन्टाइन डेलाई मध्यनजर गर्दै सांगीतिक दुनियाँमा गैरे सुरेशका नामले परिचित सुरेश गैरेले भ्यालेन्टाइनको को पूर्वसन्ध्यामा प्रेमिल भावनाको गीत ‘मीरा हुँ म तिम्री’ सार्वजनिक गरेका छन् ।
गैरे सुरेशको संगीत रहेको ‘मीरा हुँ म तिम्री’ मा बेनिसा पौडेलको स्वर रहेको छ भने शब्द सविता बस्नेत दानीले लेखेकी छिन् ।
गैरे सुरेश अफिसियल च्यानलमार्फत् सार्वजनिक गरिएको उक्त गीतमा शिला गजुरेल र विशाल थापाको अभिनय रहेको छ ।
सन्दीप भुजेलले निर्देशन गरेको उक्त भिडियाको सम्पादन ओम प्रसाईले गरेका छन् ।
लामोसमयदेखि आधुनिक गीतमा स्वर र संगीत दिने गरेका गैरेले यसअघि तीज गीत सुरेश ‘हात्ती आयो लसलस’, भोले शंकर तिम्रो रुपै भयंकर बोलको शिवभजन पनि सार्वजनिक गरेका थिए ।
सांगीतिक दुनियाँमा सफल संगीतकारका रुपमा छाएका गैरे सुरेश ‘बिम्ब’मार्फत् सांगीतिक दुनियाँमा प्रवेश गरेका थिए । त्यसपछि उनका ‘सम्भावना’, ‘चर्चा’, ‘गुमनाम’, ‘शरद’लगायत २० बढी एल्बम बजारमा आएका छन्। यस्तै, उनले ‘नाइँ नभन्नू ल २’, ‘शब्द’, ‘राजधानी’ चलचित्रमा समेत संगीत भर्दै स्थापित संगीतकारका रूपमा परिचित छन् ।
उनले संगीत गरेका गीत र गजलहरू ‘यहाँ देशको छ चिन्ता’, ‘मर्ने कसैलाई रहर हुँदैन’, ‘किन हजुर नबोलेको’, ‘तिम्रो मेरो मेरो सम्बन्धको चर्चा चल्छ चल्न देऊ’, ‘कति बोलेर पछुताउँछन्’ आदि हरेक उमेर र वर्गका श्रोताका लागि लोकप्रिय र कर्णप्रिय छन्।
सांगीतिक दुनियाँबाट स्रोताहरुको मन जित्न सफल सुरेश सशस्त्र प्रहरी बलमा प्रहरी नायब उपरीक्षक (डिएसपी) समेत हुन् ।
