मिसेस वर्ल्डमा नेपालकी पृथ्वीयालाई ‘ह्युमानिटेरियन’ विधा
कागजपत्र |
काठमाडौं- मिसेस वर्ल्ड- २०२३ मा नेपालले सेमिफाइनलसम्म पुगी ह्युमनिटेरियन अवार्ड जितेको छ ।
प्रतियोगितामा नेपालको प्रतिनिधित्व गरेर सहभागी भएकी मिसेस नेपाल वर्ल्ड पृथ्वीया थापाले ह्युमनिटेरियन अवार्ड जितेकी हुन् ।
मिसेस वर्ल्डमा शीर्ष उपाधिबाहेक अन्य सात उपाधि रहेकोमा आफूले ह्युमनिटेरियन अवार्ड जित्न सफल भएको पृथ्वीयाले बताइन् ।
प्रतियोगिताको शीर्ष उपाधि चाहिँ जर्मनीकी जुलिया क्यारोलिनले जितेकी छन् । उक्त प्रतियोगितामा ५७ मुलुकका विवाहित सुन्दरीले प्रतिस्पर्धा गरेका थिए ।
