देशभर थप १०५ जना संक्रमित, ९९ संक्रमणमुक्त
कागजपत्र |
काठमाडौं – गत २४ घन्टामा नेपालमा १०५ जना नयाँ संक्रमित थपिएका छन् ।
हालसम्म नेपालमा कोरोना संक्रमितको संख्या २ लाख ७२ हजार ९४५ पुगेका छन् भने कोरोनाबाट ज्यान गुमाउनेको संख्या २ हजार ५५ पुगेको छ ।
त्यस्तै पछिल्लो २४ घन्टामा ९९ जना कोरोनामुक्त भएका छन् । हालसम्म नेपालमा कोरोनामुक्त हुनेको संख्या २ लाख ६९ हजार ३०३ पुगेको छ ।
पछिल्ला दिनमा नयाँ संक्रमितको संख्या दिनप्रतिदिन घट्दै गइरहेको नेपालमा हालसम्म २१ लाख २३ हजार ९५१ जनाको पीसीआर परिक्षण गरिएको छ । पछिल्लो तथ्यांकअनुसार नेपालमा आईसोलेसनमा १५८७ रहेका छन् भने ७४ जना क्वारेन्टाइनमा रहेका छन् ।
