नेपाली एक हजार दरका नक्कली नोटसहित एकजना पक्राउ
कागजपत्र |
काठमाडौं – नेपाली जाली नोटसहित प्रहरीले एकजनालाई पक्राउ गरेको छ । काठमाडौं तारकेश्वर नगरपालिका वडा न. ४ बाट नेपाली जाली नोटसहित मंगलबार पक्राउ गरिएको हो ।
पक्राउ पर्नेमा बारा आदर्श कोटवाल गाउँपालिका वडा नं ५ घर भई हाल काठमाडौंको तार्केश्वर नगरपालिका वडा नं ४ रातोपुल बस्ने ४९ वर्षीय पप्पु भन्ने शेख निसम अख्तर रहेका छन् । उनको साथबाट एक हजार दरका खोटा नोट ४ थान बरामद गरिएको प्रहरी उपरीक्षक कृष्णप्रसाद कोइरालाले जानकारी दिए ।
काठमाडौंको तारकेश्वर सानोपुल एरियाको आसपासमा विभिन्न व्यक्तिहरुले नेपाली खोटा मुद्रा बनाई सद्दे सरह चल्तीमा ल्याई कारोबार गर्ने गरेको छ भन्ने सूचनाका आधारमा पक्राउ गरिएको उनले बताए ।
पक्राउ गरिएका व्यक्तिलाई मुलुकी अपराध संहिता २०७४ को परिच्छेद २२ को मुद्रा सम्बन्धी कसुरमा थप अनुसन्धानको लागि प्रही वृत बालाजु काठमाडौं पठाइएको प्रहरीले जानकारी दिएको छ ।
