सप्तरीमा टिपरको ठक्करबाट बालिकाको मृत्यु, स्थिति तनावपूर्ण

सप्तरी – सप्तरीको रुपनीस्थित राजमार्गमा टिपरले ठक्कर दिँदा एक बालिकाको मृत्यु भएको छ ।

पूर्व–पश्चिम राजमार्गअन्तर्गत रुपनीमा टिपरले ठक्कर दिँदा १२ वर्षीया रिताकुमारी यादवको मृत्यु भएको हो।

घटनापछि मृतक किशोरीका परिवार र आफन्तले राजमार्ग अवरुद्ध गरेका छन्। चक्काजामसहित प्रदर्शन बढेपछि यस क्षेत्रमा अहिले व्यापक प्रहरी परिचालन गरिएको छ। प्रदर्शनकारीलाई नियन्त्रणमा लिन प्रहरीले केही सेल अश्रुग्यास प्रहार गरेपछि स्थिति तनावग्रस्त बनेको छ।