मोटरसाइकल दुर्घटनामा रुपन्देहीमा २ जनाको मृत्यु


रुपन्देही – रुपन्देहीको शुद्धोधन गाउँपालिका-२ हिरापुरमा सोमबार ट्रिपरको ठक्करबाट मोटरसाइकल चालकको मृत्यु भएको छ। रा १ ख ७१३ नम्बरको बालुवा बोकेको टिपरले विपरीत दिशातर्फ जाँदै गरेको लु २० प १९ ५७ नम्बरको मोटरसाइकललाई आज बिहान ९ बजे ठक्कर दिएको थियो ।

दुर्घटनामा गम्भीर घाइते भएका रुपन्देहीकै बुटवल-१६ का ३८ वर्षीय शालिकराम शर्मा मरासिनीको उपचारका क्रममा लुम्बिनी प्रादेशिक अस्पतालमा पौने १० बजे मृत्यु भएको इलाका प्रहरी कार्यालय रन्यौराले जनाएको छ। ट्रिपरसहित चालकलाई प्रहरीले नियन्त्रणमा लिएको छ ।

स्कुटर दुर्घटना हुँदा चालकको मृत्यु

रुपन्देहीको सिद्धार्थनगर नगरपालिका-३ मा आज स्कुटर दुर्घटना हुँदा चालकको मृत्यु भएको छ। मृत्यु हुनेमा रुपन्देहीकै तिलोत्तमा नगरपालिका-४ का ३६ वर्षीय हरी भण्डारी रहेका छन्।

आज बिहान ८ बजे बेलहियाबाट भैरहवातर्फ जाँदै गरेको लु ८९ प २९ ८६ नम्बरको स्कुटर अनियन्त्रित भएर पल्टिएको जिल्ला प्रहरी कार्यालय रुपन्देहीले जानकारी दिएको छ।

प्रतिक्रिया