हुन्डाई नेपालद्वारा वृक्षारोपण

काठमाडाैं – हुन्डाई नेपालको आयोजनामा २ सयभन्दा बढी विरूवा रोपेको छ । ‘बी (भी) द चेन्ज’ नाम दिइएको एक अभियानअन्तर्गत रातोमाटे डाँडा, चुनिखेलमा वृक्षरोपण कार्यक्रम सम्पन्न गरेको हो ।

रातोमाटे डाँडा सामुदायिक वनको समन्वयमा २०० भन्दा बढी बिरुवा रोपिएको उक्त कार्यक्रममा इभीका विभिन्न उमेर समुहका करिब १५० जनाको सहभागीता रहेको थियो। कोना र आइआएनआइक्यू-५ गरी ४० भन्दा बढीविद्युतीय गाडीहरू थापाथलीबाट बुढानिलकण्ठसम्म गएको थियो।

हुन्डाई नेपालको अभियान हुण्डाई मोटर कम्पनीको पर्यावरण मैत्री प्रतिबद्धतामा ऐक्य-बद्धता गर्ने पहलस्वरूप ल्याईएको हो। ब्याट्री इलेक्ट्रिक भेहिकल कार्बन न्युट्रालिटिको पर्याय बनेको आजको समयमा ‘बी (भी) द चेन्ज’ले हरेकलाई व्यक्तिगत र सामुदायिक स्तरमा दिगोपनका अभ्यास अवलम्बन गर्न प्रोत्साहन गर्ने विश्वास लिईएको छ।

‘बी (भी) द चेन्ज’अभियान अन्तर्गत गरिएको प्रारम्भिक चरणका कार्यक्रमहरूमध्ये एक वृक्षरोपणले साधारण सवारी साधनहरुको कार्बन उत्सर्जन र तिनकाप्रभावलाई कम गर्ने आसा राखिएको छ।

त्यस्तै आगामी दिनमा पनि कम्पनीले ‘बी (भी) द चेन्ज’ अन्तर्गत पर्यावरणदिगोपन सम्बन्धी अन्य कार्यक्रम आयोजना गरी पर्यावरण मैत्री व्यवहार अवलम्बन गर्न प्रोत्साहन गर्ने धेय राखेको छ।

गएको वर्ष सेप्टेम्बरमा हुन्डाई मोटर कम्पनीले सन् २०५० को ग्लोबल कार्बन न्यूट्रल लक्ष्यभन्दा पाँच वर्ष अगाडि सन् २०४५ सम्ममा आफ्नो उत्पादन र सञ्चालनका सबै चरणहरूमा कार्बन न्युट्रालिटि कायम गर्ने लक्ष्य सार्वजनिक गरेको थियो। कम्पनीले कार्बन न्यूट्रालिटी तर्फको यात्रामा सन् २०२५ सम्ममा २३ वटा पर्यावरण मैत्री लाइनअप ल्याई १० लाख भन्दा बढी विद्युतीय सवारी साधन तयार गर्ने योजना बनाएको छ।

हुन्डाई मोटर कम्पनीले आफ्नो यही मिसनलाई अगाडि बढाउने हेतुले यही अप्रिलमा “गोल अफ द सेन्चुरी” नामक विश्वव्यापी अभियान सुरु गरेको थियो । यस अभियानले फुटबलको विश्वव्यापी आकर्षण मार्फत फुटबल प्रेमीहरू र अन्यलाई पनि दिगोपनको अभ्यासमा एकताबद्ध गर्ने लक्ष्य राखेको छ।