हलिउड फिल्म ‘एबोमाइनेबल’मा तेन्जिङ नोर्गेका नाती

काठमाडौं– पहिलो सगरमाथा आरोही तेन्जिङ नोर्गे शेर्पाका नाती अब अमेरिकी फिल्म उद्योग हलिउडसँग जोडिएका छन् । अग्रणी हलिउड स्टुडियो ड्रिमवक्र्स एनिमेसनले निर्माण गरेको ‘एबोमाइनेबल’मा नाती तेन्जिङ नोर्गे ट्रेनरले एक मुख्य पात्रमा स्वर भरेका छन् । फिल्मको कथा सगरमाथा क्षेत्रमा यतिको खोजीमा आधारित छ ।

हलिउड म्यागजिनस“ग कुरा गर्दै यी तन्नेरी अभिनेताले आफ्ना हजुरबुबाको सम्मान र स्मरणका लागि हलिउड फिल्ममा सहभागिता जनाएको बताएका छन् । उनका हजुरबुवा तेन्जिङ नोर्गे शेर्पा र सर एडमन्ड हिलारीले सन् १९५३ मा सगरमाथाको पहिलो आरोहण गरेका थिए । डिज्नेको चर्चित टेलिभिजन सो ‘लिभ एन्ड म्याडी’मा तेन्जिङ ‘पार्कर रुनी’को रुपमा दर्शकमाझ चर्चित छन् ।

एबोमाइनेबल गतवर्ष अन्तर्राष्ट्रिय बजारमा प्रदर्शन भइसकेको छ । यो फिल्मबाट उनले बेस्ट भ्वाइस एक्टरको रुपमा एनी अवार्ड पनि जितेका छन् । फिल्ममा तेन्जिङसहित एसियन अमेरिकन कलाकारद्धय कोल बेनेट र अल्बर्ट साइ पनि मुख्य भूमिकामा छन् । एनिमेसन फिल्मबाहेक तेन्जिङ द मोर्डन फ्यामिली, क्लुलेस एन्ड गुड लक चार्लीमा अभिनय गरेका छन् ।