एसपी सोमेन्द्रले सम्हाले कैलाली प्रहरी प्रमुखको जिम्मेवारी
कागजपत्र |
कैलाली – प्रहरी उपरीक्षक (एसपी) सोमेन्द्र सिंह राठौरले सोमबारदेखि कैलाली प्रहरी प्रमुखको जिम्मेवारी सम्हालेका छन् ।
प्रहरी प्रधान कार्यालयले तत्कालिन कैलालीका प्रहरी प्रमुख प्रहरी उपरीक्षक (एसपी) विश्व अधिकारीको काज सरुवा गरेर उनको ठाउँमा राठौरलाई पठाइएको हो ।
एसपी राठौरले कैलाली पुगेर सोमबारदेखि नै जिल्लाको कमाण्ड सम्हालेका हुन् । एसपी राठौरलाई जिल्ला प्रहरी कार्यालय कैलालीमा कार्यरत डीएसपी वेदप्रकाश जोशी लगायत अन्य प्रहरी कर्मचारीहरुले स्वागत गरेका थिए । एसपी राठौर नेपाल प्रहरीमा इमानदार र व्यावसायिक प्रहरी अधिकृतको रुपमा परिचित छन् ।
साथै एसपी राठौरले कार्यालयमा कार्यरत प्रहरी कर्मचारीहरुलाई व्यवसायिक निर्देशन समेत दिएका छन् ।
