प्रगतिशील लेखक संघद्वारा २९औं पारिजात स्मृति दिवस मनाईयो

काठमाडौं – प्रगतिशील लेखक संघ, महोत्तरीले एक कार्यक्रमको आयोजना गरि प्रगतिशील साहित्यको श्रीबृद्धिमा कलम चलाउनुहुने सु(प्रसिद्ध साहित्यकार बिष्णु कुमारी वाइबा (पारिजात)को २९औं स्मृति दिवस मनाएको छ।

प्रगतिशील लेखक संघ, महोत्तरीका अध्यक्ष नारायण घिमिरेको अध्यक्षतामा सम्पन्न कार्यक्रममा प्रलेस महोत्तरीका निबर्तमान अध्यक्ष तथा प्रलेसका केन्द्रिय सदस्य जीवन स्पर्शिको प्रमुख आतिथ्यता रहेको थियोे।

कार्यक्रममा अधिकाम्स वक्ता साहित्यकारहरुले पारिजातको बहु आयमिक ब्याक्तित्वको बारेमा चर्चा परिचर्चा गर्दै उनीद्धारा रचित कबिता समेत बाचन गरेका थिए । कार्यक्रमका प्रमुख अतिथि जीवन स्पर्शीले पारिजातको राजनीतिक र प्रगतिशील साहित्यिक यात्राको बारेमा टिप्पणी गर्दै पारिजात नेपाली प्रगती बादी साहित्यको अमुल्य रत्न रहेको कुरा बताए ।

कार्यक्रमका अध्यक्ष घिमिरेले पारिजात नेपाली प्रगतिशील साहित्यको खुला विश्वाबिद्यालय भएको र आफु त्यसैको चेला रहेको बताउदै बिचारको गर्भबाट साहित्यको सन्तान जन्माउन सबै साहित्यकारलाइ आग्रह गरे।कापिका पानामा अक्षरका बिस्कुन फिजाउदैमा साहित्य नबन्ने तर्क गर्दै घिमिरेले समाज र जीवन उपयोगी सहित्यको बाटो बाट समाजको सकारात्मक रुपन्तरण गर्नुपर्ने खाँचो औल्याए।

अतिथिहरुमा प्रलेसका केन्द्रिय पार्षद,अखिल नेपाल लेखक संघका केन्द्रिय सदस्य, शिशिर घिमिरे स्मृति प्रतिष्ठानका संरक्षक तथा छन्द चौतारि बर्दिबासका प्र अध्यक्ष प्रेम घिमिरे ‘अग्निकवच’, जनसाँस्कृतिक माहसंघ नेपालका केन्द्रिय सदस्य तथा बर्दिबास साहित्यक साँस्कृतिक प्रतिष्ठानका अध्यक्ष रामचन्द्र पौडेल ‘बिपुल’, जनसाँस्कृतिक माहसंघ नेपालका केन्द्रिय सदस्य बिमला बिक, अखिल नेपाल लेखक संघका केन्द्रिय सदस्य राम मिलन, बर्दिबास नगरपलिका वडा नं १ का सदस्य नीरज अधिकारी , पत्रकार सुनिता बराल भन्डारीको उपस्थिती रहेको थियो ।

प्रलेसका सचिव भिम कुमार राउतले संचालन गरेकाे कार्यक्रममा प्रलेस महोत्तरीका उपाध्यक्ष सुरेन्द्र पोखरेल,सदस्य नारद काफ्ले,सदस्य जीवन राज दाहल, सदस्य जेनिसा थापा ,सदस्य इन्दु महतो लगाएतका प्रलेस कर्मी हरुको उपस्थिति रहेको थियो।