भन्सार छलेर ल्याएको साढे २१ क्विन्टल चिनी बरामद

काठमाडौं– प्रहरीले नेपालगञ्जबाट भन्सार छलेर ल्याएको चिनी बरामद गरेको छ । नेपालगञ्ज उपमहानगरपालिका–१२ कोरियनपुरबाट साढे २१ क्विन्टल चिनी बरामद भएको वडा प्रहरी कार्यालयका निमित्त इन्चार्ज माधव रिजालले जानकारी दिए ।

भारतबाट लुकाइछिपाई भित्र्याइएको ५० किलोका ४३ बोरा चिनी बरामद भएको प्रहरीले जनाएको छ । चिनी भारतमा सस्तोमा पाईने भएकाले  तस्करहरूले भारतबाट भन्सार छलेर नेपाल भित्र्याउने गरेका छन् । उक्त चिनी थप कारबाहीका लागि भन्सार कार्यालयमा बुझाइएको प्रहरीले जनाएको छ ।