नेप्सेमा दुई कम्पनीको ५९ लाख ३० हजार कित्ता सेयर सूचीकृत
कागजपत्र |
काठमाडौं – नेपाल स्टक एक्सचेन्ज (नेप्से) मा दुई कम्पनीको झन्डै ६० लाख कित्ता सेयर सूचीकृत भएको छ । नेप्सेमा एसियन लाइफ इन्स्योरेन्स र सबैको लघुवित्त वित्तीय संस्था लिमिटेडको कुल ५९ लाख ३० हजार ४७०.२२ कित्ता बोनस सेयर सूचीकृत भएको हो ।
एसिन लाइफको ५२ लाख ९० हजार ७४२.७२ कित्ता बोनस सेयर नेप्सेमा सूचीकृत भएको छ । आफ्ना सेयरधनीहरुलाई वितरण गरेको बोनस सेयर सूचीकृत भएको हो । कम्पनीले २५ प्रतिशत बोनस सेयर वितरण गरेको थियो
यस्तै सबैको लघुवित्तको ६ लाख ३९ हजार ७२७.५० कित्ता बोनस सेयर नेप्सेमा सूचीकृत भएको छ । लघुवित्तले ३१.०५ प्रतिशत बोनस सेयर वितरण गरेको थियो ।
