सर्लाहीमा आगलागी : १४ घर जले, क्षतिको विवरण सङ्कलन जारी

काठमाडाैं – सर्लाहीको धनकौल गाउँपालिका-५ हरकठवामा आज दिउँसो आगलागी हुँदा १४ घर जलेका छन् । स्थानीय प्रदीप पासवानको घरबाट सुरु भएको आगोले १४ घरमा क्षति गरेको हो ।

आगोले घरसहित खाद्यान्न, लत्ताकपडा नष्ट भएको इलाका प्रहरी कार्यालय बरहथवाका प्रहरी नायब उपरीक्षक उमाशङ्कर प्रसाद यादवले जानकारी दिए ।

दिउँसो एक बजेदेखि सुरु भएको आगो प्रहरी, स्थानीय बासिन्दा र हरिवन नगरपालिकाको दमकलले तीन घण्टापछि निभाइएको थियो । प्रदीप पासवान, रामवली पासवान, जवाहिर पासवान लगायतको घर जलेको र क्षतिको विवरण सङ्कलनको काम भइरहेको प्रहरीले जनाएको छ ।