लाभांश पारित गर्न प्रभु इन्स्योरेन्सले डाक्यो साधारण सभा

काठमाडाैं –   प्रभु इन्स्योरेन्सको २६औँ वार्षिक साधारण सभा चैत ३० गते हुने भएको छ । सञ्चालक समितिको बुधबार साँझ बसेको बैठकले बिहान ११ बजे प्रभु कम्प्लेक्स तीनकुने काठमाडौँमा साधारण सभा गर्ने निर्णय गरेको हो ।

उक्त साधारण सभाले ११ प्रतिशत बोनस शेयर र कर प्रयोजनका लागि ०.५८ प्रतिशत नगद लाभांश पारित गर्नेछ । साधारण सभा प्रयोजनका लागि चैत १७ गतेदेखि साधारण सभा हुने दिन सम्म शेयर दाखिला खारेज गर्ने निर्णय भएको कम्पनी सचिव अरबिन्दकुमार कर्णले जनाएका छन् । कम्पनीको हाल कायम चुक्ता पूँजी १ अर्ब १६ करोड १९ लाख २ हजार ३ सय २८ रुपियाँ छ ।