सुनको मूल्य ५०० रुपैयाँले बढ्यो, तोलाको कति ?

काठमाडौं –  विहिबार नेपाली बजारमा सुनको मूल्य बढेको छ । बुधबारको तुलनामा आज सुनको मूल्य प्रतितोला ५०० रुपैयाँले बढेको हो ।  हिजो प्रतितोला ९९ लाख ३०० रुपैयाँमा कारोबार भएको सुनको मूल्य आज विहिबार प्रतितोला ९९ हजार ८०० रुपैयाँमा कारोबार हुने सुनचाँदी व्यवसाय महासङ्घले जनाएको छ ।

हिजो सुन प्रतितोला १२०० रुपैयाँले घटेको थियो । महासङ्घका अनुसार आज तेजाबी सुनको मूल्य प्रतितोला ९९ हजार ३०० रुपैयाँ रहेको छ ।

यस्तै चाँदीको मूल्य पनि बढेको छ । हिजो बुधबार प्रतितोला १ हजार ३७० रुपैयाँमा कारोबार भएको चाँदी आज विहिबार प्रतितोला २० रुपैयाँले बढेर प्रतितोला १ हजार ३९० रुपैयाँमा कारोबार हुने महासङ्घले जनाएको छ ।