नेपाल टेलिकमले ४० प्रतिशत लाभांश दिने

काठमाडौँ – नेपाल दूरसञ्चार कम्पनी लिमिटेड (नेपाल टेलिकम) ले  सेयरधनीलाई ४० प्रतिशत लाभांश दिने भएको छ ।  टेलिकमले गत आर्थिक वर्ष २०७७/७८ को नाफाबाट पहिलो पटक चुक्ता पूँजकिो २० प्रतिशत बोनस सेयर र २० प्रतिशत नगद लाभांश  गरी कुल ४० प्रतिशत लाभांश वितरण गर्ने प्रस्ताव गरेको हो ।

टेलिकमले फागुन ३० गते सम्पन्न सञ्चालक समितिको बैठकले अर्थ मन्त्रालयबाट स्वकिृत भएपछि वितरण गर्नेगरी कम्पनकिो मुनाफाबाट प्रत्येक १०० कित्ता सेयर बराबर २० कित्ता अनुपातमा बोनस तथा बोनसमा लाग्ने कर सहित प्रतिसेयर २० रुपैयाँका दरले नगद लाभांश वितरणको प्रस्ताव गरेको हो ।

टेलिकमले बोनस सेयर दिने भनेर पछिल्लो समय सेयर मूल्य निकै बढेको थियो । कम्पनीले पहिलो पटक सेयरधनीलाई बोनस सेयर दिएको हो । १५ अर्ब रहेको टेलिकमको चुक्ता पुँजी १८ अर्ब हुने छ । सरकारी लगानीको टेलिकममा ९२ प्रतिशत सेयर हिस्सा सरकारको छ ।

टेलिकमले चैत २४ मा साधारणसभा गर्ने निर्णय गरेको छ । टेलिकमको बोनस सेयर चैत १० सम्म सेयर किनेका सेयरधनीले पाउनेछन् ।