एमाले केन्द्रीय कमिटी बैठक आज, यी हुन् एजेण्डा
कागजपत्र |
काठमाडौं – नेकपा एमालेको केन्द्रीय कमिटी बैठक आजबाट सुरु हुँदैछ। एमालेले १०औं राष्ट्रिय महाधिवेशनबाट निर्वाचित भएपछि पहिलोपटक केन्द्रीय कमिटी बैठक आज बस्न लागेको हो।
पार्टीका केन्द्रीय सदस्य एवं केन्द्रीय कार्यालय सचिव शेरबहादुर तामाङका अनुसार भोलि (आइतबार) सम्म चल्ने बैठक भक्तपुरको गठ्ठाघरस्थित जर्मन हाउस हस्पिटालिटीमा बिहान ११ बजेबाट सुरु हुँदैछ।
बैठकको कार्यसूचीमा बाँकी रहेका केन्द्रीय सदस्यको सपथ ग्रहण, महाधिवेशनको समीक्षा, केन्द्रीय सदस्यको मनोनयन, पोलिटब्यूरो र स्थायी कमिटी गठन, केन्द्रीय सल्लाहकार परिषद् गठन र नेताहरुको कार्यविभाजन लगायत रहेको उनले जानकारी दिए।
