आँशुको अर्थको तेस्रो भर्सन सार्वजनिक

काठमाडौं – गायक शिव परियारको स्वर तथा संगीत रहेको ‘आँसुको अर्थ’को तेस्रो भर्सनको नयाँ गीत ‘तिमीले पो सक्यौ त’ को भिडियो सार्वजनिक भएको छ । ‘आँशुको अर्थ’ र ‘आँशुको अर्थ २’गीतलाई दर्शक तथा स्रोताले मन पराए पछि शिवले ‘आँसुको अर्थ ३’ लिएर आएका हुन् । ‘आँशुको अर्थ’लाई युट्युबमा दुई करोड भन्दा बढी पटक हेरी सकिएको छ भने ‘आशुको अर्थ २’लाई ५२ लाख भन्दा बढी पटक हेरी सकिएको छ ।

गीतमा संचारकर्मी तथा फिल्म निर्माता रवि अधिकारीको शब्द रहेको छ भने गोपाल रसाइलीले संगीत संयोजन गरेका हुन् । स्टुडियो साउन्ड मिलमा रेर्कडिङ गरिएको यो गीतमा महेश्वरमान राजभण्डारीको रेकर्डिङ, मिक्सिङ तथा मास्टरिङ रहेको छ ।

गीतमा अभिनेता आकाश श्रेष्ठ फिचर्ड छन् । आँशुको अर्थमा जहाँ सकिएको थियो, ‘आँशुको अर्थ ३’को भिडियो त्यहि बाट सुरु गरिएकको छ । भिडियोमा अभिनेत्री स्वस्तिमा खड्कालाई पनि देख्न सकिन्छ ।

भिडियोमा म्युजिक भिडियो निर्देशक निकेश खड्काको निर्देशन छ । हरि हुमागाईको छायांकन र विकास धमलाको सम्पादन रहेको गीतमा समरा जोशी को मेकअप रहेको छ । गीतको भिडियोलाई गायक शिव परियारले आफ्नै अफिसियल युट्युब च्यानलबाट सार्वजनिक छ । भिडियोलाई गायक परियार आफैंले निर्माण गरेका हुन् ।