सरकारी अधिकारीलाई थर्काउँदै हिँड्ने जेनजी अगुवा वैदेशिक ठगी र चेक बाउन्सका अभियुक्त

काठमाडौं-  जेनजी आन्दोलनको नाममा सरकारी कार्यालयहरूमा धम्की र दवाब दिने अर्जुनबहादुर शाहीको गतिविधिले सुरक्षा निकायहरूलाई सतर्क बनाएको छ।

अछामको पञ्चदेवल विनायक नगरपालिका–४ का २६ वर्षीय शाही वैदेशिक ठगी र चेक बाउन्ससम्बन्धी दर्जनौं मुद्दामा आरोपी रहँदै आइरहेका छन्। तर, हाल जेनजी अगुवाको रूपमा सरकारी कार्यालय प्रमुखहरूलाई राजीनामा माग्दै, धम्की दिने शैलीमा सार्वजनिक गतिविधिमा देखिएका छन्।

शाहीको समूहले सोमबार नेपाल वायुसेवा निगम र नेपाल नागरिक उड्डयन प्राधिकरणमा पुगेर कार्यकारी अध्यक्ष युवराज अधिकारी र महानिर्देशक प्रदीप अधिकारीसँग डेढ घण्टा विवादपूर्ण वार्ता गरेको थियो। भिडिओ सामाजिक सञ्जालमा भाइरल भएका छन्। शाहीले आर्थिक अनियमितता रोकिन नसकेको आरोप लगाउँदै अधिकारीहरूलाई थुतेर ल्याउने र राजीनामा दिन दबाब दिने शैली अपनाएका थिए। यसअघि उनी अख्तियार दुरुपयोग अनुसन्धान आयोगको कार्यालयमा पनि गएर प्रमुखसँग भेटको समय नदिएर गालीगलौज गरेका थिए।

प्रहरी स्रोतका अनुसार शाही वैदेशिक रोजगार विभागमा ८ लाख रुपैयाँ ठगी र विभिन्न व्यक्तिसँग चेक बाउन्सका उजुरीका अभियुक्त हुन्। रेड स्टार प्रोडक्सन एन्ड मिडिया हाउस मार्फत उनले ३ लाख ८० हजार रुपैयाँ ठगी गरेको फुयालले उजुरी दिएका छन्। शाहीको आपराधिक पृष्ठभूमि र जेनजी आन्दोलनको नाममा सरकारी कार्यालयहरूमा धम्की दिने शैली पुष्टि भएको छ।

साथै, शाही राजनीतिक गतिविधिमा पनि सक्रिय रहेकामा देखिन्छ। एमाले नेता सुवास नेम्वाङको निधनपछि इलाम–२ मा उनले स्वतन्त्र उम्मेदवारको रूपमा उपचुनाव लडेका थिए। १५ वैशाख २०८१ मा उपचुनावमा उनी ५५ मतसहित पराजित भएका थिए।

विशेषज्ञहरूले जेनजी आन्दोलनको नाममा सरकारी अधिकारीलाई धम्की दिने शाही जस्ता व्यक्तिहरूले कानूनी व्यवस्था र सार्वजनिक सुरक्षा चुनौतीमा पार्ने चेतावनी दिएका छन्। प्रहरी र सम्बन्धित निकायले उनका गतिविधि र अपराध इतिहासको अनुसन्धान जारी राखेका छन्।