

एक युवतीकाे चरित्र हत्या गर्ने अर्की युवती पक्राउ

काठमाडौं- सामाजिक सञ्जालबाट व्यक्तिको चरित्र हत्या गरेको आरोपमा प्रहरीले बझाङकी रश्मिला धामीलाई पक्राउ गरेको छ ।
नेपाल प्रहरीको साइबर ब्यूरोले उनलाई काठमाडौंको टोखाबाट पक्राउ गरेको हो । अनेरास्ववियुकी निलम्बित स्थायी कमिटी सदस्य राजमती बमले धामीविरुद्ध विद्युतीय कारोबार अन्तरगत मुद्दा दायर गरेकी थिइन् ।
आइतबार पक्राउ परेकी उनीमाथि अनुसन्धानका लागि हिरासतमा राख्न प्रहरीले अनुमति माग गर्दै सोमबार जिल्ला अदालत काठमाडौंमा पेश गरेको छ ।

