बिग बोस बिजेता मुनव्वर फारुकी पक्राउ

नयाँ दिल्ली- भारतीय रियालिटी शो बिग बोस १७ का विजेता मुनव्वर फारुकी पक्राउ परेका छन् ।

मंगलबार राति प्रहरीले स्ट्यान्डअप कमेडियन मुनव्वर फारुकी समेत १४ जनालाई समातेको थियो । मुम्बई प्रहरीको सोशल सर्भिस शाखाले एउटा हुक्का बारमा छापा मारेको थियो । बारमा सूर्तीजन्य सामाग्रीको साथमा निकोटिन पनि प्रयोग भइरहेको जानकारी प्रहरीले पाएको थियो ।

प्रहरीले मुनब्बरलाई नोटिस दिएर छाडेको बताइएको छ । यसअघि बिग बग ओटीटी २ का विजेता एल्भिस यादव समातिएका थिए । त्यसपछि मुनव्वर पनि विवादमा आएका छन् ।