प्रेमी विष्णुसँगै बिहे गर्दैछिन् गायिका एलिना
कागजपत्र |
काठमाडाैं- गायिका एलिना चौहानले प्रेमी विष्णु सापकोटासँग बिहे गर्न लागेको बताइएको छ । बिहेको मिति भने तय भइसकेको छैन । तर, पारिवारिक स्रोतका अनुसार उनले आगामी वैशाखमा बिहे गर्ने तयारी भएकाे छ ।
गत माघमा एलिना र विष्णुको ब्रेकअपको खबर बाहिरिएको थियो । तर एलिनाले ब्रेकअपको खबर झुटो भएको बताएकी छिन् ।
उनले केही ‘मिस–अन्डरस्ट्यान्डिङ’ भएको तर ब्रेकअप भने नभएको बताएकी छिन् । अहिले परिवारका सदस्यहरु बिहेको तयारीमा जुटेको पनि चौहानले बताइन् ।
वाग्लुङ निवासी प्रेमी विष्णु गीतकार हुन् । उनी हाल अष्ट्रेलियामा व्यवसाय सञ्चालन गर्दै आएका छन् ।
