फिल्म शैलीको छलक छलक छल्क्यो माया
कागजपत्र |
काठमाडौं– दिपक सिलवालको शब्द तथा संगीतमा गायक शिव परियार र निरुषा भट्टराईको स्वरमा रहेको नयाँ गीत ‘छलक छलक छल्क्यो माया’ रिलीज भएको छ । गीतमा अभिनेता पल शाह, अभिनेत्री बर्षा राउत र अभिनेता शिशिर भण्डारी फिचर्ड छन् ।
गम्भीर बिष्टले निर्देशन गरेको यस भिडियोमा एक्शन सहितको रोमान्टिक, डान्सिंग प्रेमकथा देख्न सकिन्छ । म्यूजिक भिडियोमा एक्शन राख्नु नौलो प्रचलन हो । भिडियो निर्देशक बिष्टले फिल्म हेरेको जस्तै महशुस गराउने आफ्नो प्रयास रहेको बताए ।
संगीत तथा शब्द रचनाकार सिलवालले गीतले बैँशालु उमेरमा युवक युवतीको प्रेमभाव प्रस्तुत गर्ने बताए । बेलायतमा रहेकी यस गीतकी गायिका भट्टराईले संगीतकार सिलवालले आफुले भनेबमोजिमको गीत तयार गरेपछि आफुले गाएको बताईन् ।
भिडियोमा संजय थापा र सुक्रराज शाहको एक्शन निर्देशन रहेको छ । नवराज उप्रेतीको छायांकन तथा नबिन निरौलाको सम्पादन तथा कलर ग्रेडिंग रहेको छ ।
