हेटौंडा उपमहानगर-१ मा कांग्रेस विजयी
कागजपत्र |
हेटौंडा – हेटौंडा उपमहानगरपालिकामा नेपाली कांग्रेसले खाता खोलेको छ । हेटौंडा उपमहानगरपालिका वडा नम्बर १ को अध्यक्षमा सविन न्यौपाने विजयी भएका छन् ।
उनले नेकपा एमालेका उम्मेदवार उत्तम पौडेललाई पराजित गरेका हुन् । न्यौपाने १३१ मतान्तरले विजयी भएका हुन् ।न्यौपानेले १४४२ मत ल्याउँदा उनका प्रतिस्पर्धी नेकपा एमालेका उत्तमप्रसाद पौडेलले १३११ मत ल्याएका छन् ।
हेटौंडा-१ मा ३२९३ मत खसेको थियो । यसअघि पनि हेटौंडा-१ मा न्यौपाने नै निर्वाचित भएका थिए । उनी दोस्रो कार्यकालका लागि निर्वाचित भएका हुन् ।
हेटौंडा-२, १८ र १९ नम्बर वडाको मत परिणाम छिटै आउँदैछ । यद्यपि आधिकारिक घोषणा भने भएको छैन ।
