निर्वाचन आयोग
चुनावका लागि ६० हजार बढीले गराए उम्मेदवारी दर्ता : आयोग
कागजपत्र |
काठमाडौं – आगामी वैशाख ३० गते हुने स्थानीय तह निर्वाचनका लागि हालसम्म ६० हजार वढीले मनोनयन दर्ता गरेका छन् ।
आयोगले ७७ वटै जिल्लामा रहेका निर्वाचन अधिकृतको कार्यालयमा मनोनयन दर्ता गराएका उम्मेदवारको साँझ ६ः ३० बजेसम्म ६० हजार ९ सय ५० जनाले मनोनयन दर्ता गरेको जनाएको हो ।
आयोगका अनुसार हालसम्म प्रमुख पदमा १९१४ जनाले उम्मेदवारी दर्ता गराएका छन् भने अध्यक्ष पदमा १९४४ जनाले दर्ता गराएका छन् । यसैगरी उपप्रमुख पदमा ११७३ तथा उपाध्यक्ष पदमा १३१९ जनाले उम्मेदवारी दर्ता गराएका छन् ।
यसैगरी वडाध्यक्ष पदमा १५ हजार २५८ जना, महिला सदस्य पदमा ९८९१, महिला दलित सदस्य पदमा ८६९४ र सदस्य पदमा २० हजार ७ सय ३० जनाले उम्मेदवारी दर्ता गराएका छन् । 
