ब्राउन सुगरसहित दुई भारतीय र एक नेपाली नागरिक पक्राउ
कागजपत्र |
बर्दिया – बर्दियामा लागूऔषध ब्राउन सुगरसहित दुई जना भारतीय र एक जना नेपाली नागरिकलाई प्रहरीले पक्राउ गरेको छ । बर्दियाको बढैयाताल गाउँपालिका-८ कण्ठपुरस्थित नेपाल–भारत सीमा नाकामा ६८ ग्राम ९ सय ३० मिलिग्राम ब्राउन सुगरसहित उनीहरु पक्राउ परेका हुन् ।
विहीबार ब्राउन सुगरको कारोबार भइरहेको भन्ने गोप्य सूचनाको आधारमा खानतलासी गर्ने क्रममा भारत बहराइच जिल्ला थाना मोतीपुर ग्राम बरथनवा गाउँ शिवरात्रीपुरका २५ वर्षीया सबिना साई र २६ वर्षीय सद्दाम साई तथा काठमाडौं महानगरपालिका–७ का ४७ वर्षीय सुमन केसीलाई पक्राउ गरिएको प्रहरी उपरीक्षक वीरेन्द्रबहादुर शाहीले बताए ।
काठमाडौंका कारोबारीलाई भारतबाट बेच्न ल्याएको ब्राउन सुगरसहित पक्राउ परेका तीन जनालाई विहीबार जिल्ला अदालतबाट १० दिनको म्याद थप गरी कारबाही प्रक्रिया अघि बढाइएको प्रहरी उपरीक्षक शाहीले बताए ।
