बालुवाटारमा गठबन्धनका तीन शीर्ष नेताहरुबीच पुनः छलफल
कागजपत्र |
काठमाडौं – सत्तारुढ गठबन्धनका तीन शीर्ष नेताहरुबीच पुनः छलफल हुने भएको छ। बिहान ११ बजे पनि तीन शीर्ष नेताहरुबीच छलफल भएको थियो। नेताहरुबीच स्थानीय तहको निर्वाचन र एमसीसीका बारेमा छलफल भएको थियो।
प्रधानमन्त्रीसमेत रहेका नेपाली कांग्रेसका सभापति शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल (प्रचण्ड) र नेकपा एकीकृत समाजवादीका अध्यक्ष माधवकुमार नेपालबीच अहिले छलफल हुन लागेको हो।
एमसीसीको विषयलाई लिएर नेताहरुबीच फरक–फरक मत बाहिर आइरहेका बेला पछिल्लो समय भेटघाटलाई पनि तीव्रता दिएका छन्। समाजवादीका अध्यक्ष माधवकुमार नेपालले पार्टी प्रवेश कार्यक्रममा बोल्दै आफूहरु अहिले पुनः छलफलमा जुटन लागेको बताएका थिए।
आजै बिहान नेकपा माओवादी केन्द्रका अध्यक्ष दाहाल र एकीकृत समाजवादीका अध्यक्ष नेपालबीच पनि छुट्टै भेटवार्ता भएको थियो। यस्तै, गृहमन्त्री बालकृष्ण खाणले पनि अध्यक्ष नेपालको निवास पुगेर आज बिहान छुट्टै छलफल गरेका थिए।
