होटलको कोठामा युवा मृत भेटिए
कागजपत्र |
कैलाली – कैलालीको गौरीगंगास्थित एक होटलमा ३५ वर्षीय युवाको शव फेला परेको छ। गौरीगंगा नगरपालिकाको राजीपुरमाअवस्थित एक होटलमा कैलालीकै घोडाघोडी नगरपालिका १ का ३५ वर्षीय साधन डान मृत फेला परेका जिल्ला प्रहरी कार्यालय कैलालीले जनाएको छ।
उनको मृत्यु कारण नखुलेको र घटनाको अनुसन्धान सुरु गरिएको कैलालीका प्रहरी नायब उपरीक्षक बेदप्रकाश जोशीले जानकारी दिए।
यही माघ ३ गतेदेखि होटलमा बस्दै आएका उनी शनिबार ,बिहान मृत अवस्थामा फेला परेका हुन्। कोठाभित्र खाटमा घोप्टो परेको अवस्थामा उनको शव फेला पारिएको डीएसपी जोशीले बताए।
