भन्सार छलि ल्याएको १० लाख बराबरको विभिन्न सामाग्री बरामद
कागजपत्र |
काठमाडौं – ईलाका प्रहरी कार्यालय रानीद्वारा भन्सार छलि गरि ल्याएको विभिन्न सामाग्री बरामद गरेको छ । ईलाका प्रहरी कार्यालय रानीका प्रहरी निरीक्षक प्रकाश राउतको टोलीले अबैध मालसामान र कपडा बरामद गरेको हो ।
इलाका प्रहरी कार्यालय रानीबाट खटिएको टोलीले भन्सार छली गरी नेपालतर्फ ल्याउँदै गोदाम गरेको अवस्थामा ती सामाग्री बरामद गरेको प्रहरी जनाएको छ ।
प्रहरीले रानी एरियाको जुटमिल दक्षिण गेटबाट १० लाख मुल्य बराबरको घरमा लगाउने ताला १ हजार थान, जुता, लत्ताकपडा र खाध्य सामाग्री लगायत सामाग्री नियन्त्रणमा लिएको हो ।
प्रहरीले बरामद गरेको सामाग्री आवश्यक कारवाहीकालागी बिराटनगर भन्सार कार्यालयमा बुझाईएको इलाका प्रहरी कार्यालय रानीले जनाएको छ ।
