प्रज्ञा भवनमा माओवादी केन्द्रको स्थायी समिति बैठक जारी

काठमाडौं – नेकपा माओवादी केन्द्रको आठौँ राष्ट्रिय महाधिवेशन अन्तर्गत जारी बन्दसत्रका बीच स्थायी समिति बैठक बसिरहेको छ। शनिबार प्रज्ञा भवनमा स्थायी समिति बैठक बसिरहेको हो।

जारी महाधिवेशनको बन्दसत्रमा आज नेतृत्व चयनको कार्यक्रम रहँदा त्यसअघि स्थायी समिति बैठक बसिरहेको हो। माओवादीमा १५ सदस्यीय पदाधिकारी र २९९ सदस्यीय केन्द्रीय समिति चयनको व्यवस्था छ। माओवादी यसपटकदेखि १५ सदस्यीय पदाधिकारीको व्यवस्थामा गएको हो।

केन्द्रीय समितिमा क्लस्टर अनुसार सदस्यको चयन लगायका विषयमा स्थायी समितिमा छलफल हुने जनाइएको छ।