राप्रपा महाधिवेशन: अध्यक्षमा उम्मेदवारी दर्ता गर्दै थापाले भने- राप्रपा कहिल्यै फुट्दैन ढुक्क भए हुन्छ

काठमाडौं – राप्रपाको अध्यक्ष पदमा कमल थापाले मनोनयन दर्ता गरेका छन्। भृकुटीमण्डपमा जारी महाधिवेशनमा आज उनले अध्यक्ष पदमा उम्मेदवारी दर्ता गरेका हुन्।

थापा पक्षले उपाध्यक्ष र महामन्त्री पदमा पनि उम्मेदवारी दर्ता गराएको छ।

उम्मेदवारी दर्ता गरेपछि पत्रकारहरूसँग उनले भने ‘राप्रपा कहिल्यै फुट्दैन ढुक्क भए हुन्छ,’। उनले आफूलाई मतदाताले नेतृत्वमा स्थापित गर्ने विश्वाससमेत राखेको बताए।

थापाले विक्रम पाण्डेसँग सल्लाह गरेरै आफूहरूले टिममा राखेको बताए। राप्रपा महामन्त्रीमा पाण्डेलाई थापा र लिङ्देन दुबै पक्षले नाम राखेको छ।