

बसले ठक्कर दिँदा वडाध्यक्षको मृत्यु

सिन्धुली – सिन्धुलीको दुधौली नगरपालिका–७ का वडाध्यक्ष कुमार बस्नेतको दुर्घटनामा मृत्यु भएको छ ।
बिहीबार मोटरसाइकलमा लहानबाट पूर्वतर्फ जाँदै गरेका बेला पूर्वतर्फ नै जाँदै गरेको बसले ओभेरटेक गर्ने क्रममा ठक्कर दिँदा वडाध्यक्ष बस्नेतको मृत्यु भएको हो ।
दुधौली नगरपालिकाका मेयर घनश्याम राउतले उक्त घटनाको पुष्टि गरेका छन् । मृतक वडाध्यक्ष तर्फबाट प्रहरी कार्यालयमा जाहेरी दिने तयारी भएको उनले बताए । घटनाबारे थप विवरण आउन बाँकी रहेको प्रहरीले जनाएको छ ।

