कोटेश्वरको खाजाघरमा १६ वर्षीया किशोरी!

काठमाडौं – काठमाडौंको कोटेश्वरस्थित नेवारी खाजा घरमा एक किशोरीलाई यौन शोषण गरेको आरोपमा मानव बेचविखन अनुसन्धान ब्यूरोले एक जना शिक्षकलाई पक्राउ गरेको छ।

गुल्मी घर भई कोटेश्वरमा खाजा घर चलाउने कुलेश्वरस्थित जनमैत्री क्याम्पसका शिक्षक समेत रहेका ५२ वर्षीय नेत्रलाल ज्ञवालीलाई पक्राउ गरिएको ब्यूरोका एसपी अनुराग द्धिवेदीले बताए।

ज्ञवालीले ती १६ वर्षीया किशोरीलाई २०७८ वैशाख महिनाको दोस्रो हप्तादेखि बन्धक बनाएर राखिएको प्रहरीलाई दिइएको जाहेरीमा उल्लेख छ। घटनामा संलग्न अरु दुई जना फरार छन्।

बालिकालाई धम्की दिई पसलसँगै रहेको कोठामा तथा अन्य गेष्ट हाउसमा राखेर दैनिक तीनदेखि पाँच जनासम्म पुरूषहरूसँग शारीरिक सम्बन्ध राख्न लगाउने गरेको पाइएको छ।

प्रहरीको चेकिङ आएमा खाना पकाउन तथा सरसफाइ कामका लागि बसेको भन्न लगाई यौनधन्दामा लगाइएको अवस्थामा ब्युरोको टोलीले ती बालिकालाई उद्धार गरेको थियो।

प्रतिवादी ज्ञवालीमाथि जिल्ला अदालतबाट म्याद थप भई अनुसन्धान भइरहेको ब्युरोले जानकारी दिएको छ। अन्य फरार प्रतिवादीहरूको समेत खोजी भइरहेको प्रहरीले बताएको छ।