डोटीमा एक वर्षअघि प्रेम विवाह गरेका दम्पतीद्वारा सामूहिक आत्महत्या
कागजपत्र |
डोटी – डोटीमा एक दम्पती झुण्डिएको अवस्थामा फेला परेका छन् ।
जिल्लाको शिखर नगरपालिका-१ का २२ बर्षीय डिल्लीराज भट्ट र उनकी पत्नी २० वर्षीया पशुपति भट्ट मंगलबार साँझ घरनजिकैको रुखमा झुण्डिएको अवस्थामा मृत फेला परेका हुन् ।
स्थानीयका अनुसार यो दम्पतिले एक वर्षअघि प्रेम विवाह गरेको थिए । दुबैजनाको शव परीक्षणका लागि जिल्ला अस्पताल ल्याइएको जिल्ला प्रहरी कार्यालय डोटीका सहायक प्रवक्ता प्रहरी निरीक्षक रवीन्द्र चन्दले जानकारी दिए ।
आत्महत्याको कारण खुल्न बाँकी नै रहेको घटनाबारे थप अनुसन्धान भइरहेको प्रहरी निरीक्षक चन्दले बताए ।
