सिटी एक्सप्रेसको “सिटी आयो लखपति बनायो” योजना

काठमाडौं – सिटी एक्सप्रेस मनी ट्रान्सफरले समस्त नेपालीहरुको महान चाड २०७८ सालको दशैँ, तिहार र छठ्लाई लक्षित गर्दै ग्राहकसँग पर्वको खुशी साट्न लगातार ६१ दिन सम्मचल्ने “सिटी आयो लखपति बनायो उपहार योजना घोषणा गरेको छ ।

यस योजनाअन्तर्गत लक्की ड्र मार्फत ६१दिन लगातार हरेक दिन १ जना विजेतालाई रु१०,००० उपहार प्रदान गरिने छ साथै हरेक महिना ५ जनालाई रु १ – १ लाख गरी २ महिनासम्म १० जना लखपति बन्न सक्नेछन् ।

कम्पनीका अनुसार यस योजना असोज १ गते देखि कार्तिक ३०गते सम्म लागू हुनेछ । यो अवधिभरी सिटी एक्सप्रेस मार्फत देश विदेशबाट पैसा पठाउने सम्पूर्ण सेवाग्राहीयो उपहार योजनामा सहभागी हुनेछन् । यस उपहारको विजेता छनौट गर्दा विद्युतीय प्रणालीद्वारा गरिनेछ र यो योजना सिटी एक्सप्रेसमा कार्यरत कुनै पनि कर्मचारीलाई लागु हुने छैन ।

सिटी एक्सप्रेसले रेमिटान्स क्षेत्रमाआफ्नो छुट्टै पहिचान बनाउदै बिगत १५ वर्ष देखि संसारभरबाट विप्रेषण सेवा प्रदान गर्दै आइरहेको छ ।

आन्तरिक विप्रेषण अन्तर्गत सिटी एक्सप्रेसका देशभर छरिएर रहेका १२,००० भन्दा बढि भुक्तानी केन्द्रहरु मार्फत छिटो, सहज र सुरक्षित तरिकाले भुक्तानी प्रदान गर्ने, कुनै पनि बैंकको खातामा रकम जम्मा गर्ने र मोबाईल वालेटमा लोड गर्न सकिने जस्ता सुविधाहरु प्रदान गर्दै आइरहेको छ ।