नेपाली सेनाका गुरूङको हत्यामा सेनाकै एक व्यक्ति पक्राउ
कागजपत्र |
चितवन – चितवनको भरतपुर महानगरपालिका १७ स्थित बिहीबार मृत अवस्थामा फेला परेका सेना जवानको हत्या अभियोगमा सेनाकै एक व्यक्ति पक्राउ परेका छन् ।
शारदानगरनजिक सिमलडाँडा खेत नहरमा धादिङ घर भई हाल महेन्द्र दल गण राष्ट्रिय निकुञ्ज शिवपुरी, टोखा दरबन्दी भएका भरत गुरुङको बिहीबार शव भेटिएको थियो ।
उक्त घटनामा संलग्न रहेको अभियोगमा पक्राउ गरिएका ती व्यक्तिलाई अहिले २ बजे सार्वजनिक गर्ने तयारी गरिएको जिल्ला प्रहरी कार्यालय चितवनका एसपी ओम अधिकारीले जानकारी दिए ।
पूर्वी चितवनको टाँडीबाट एक थान हतियारसहित पक्राउ परेका ती व्यक्तिको बारेमा पत्रकार सम्मेलन गरी जानकारी गराइने पनि एसपी अधिकारीले बताए ।
पक्राउ परेका ती व्यक्ति नेपाली सेनाकै भएको जनाइए पनि त्यसबारे एसपी अधिकारीले भने थप केही बताएनन् ।
