शीतल निवासमा देउवाको सपथ तयारी हुँदा ओलीले पदबाट किन राजीनामा दिएनन्?
कागजपत्र |
काठमाडौं – सर्वोच्च अदालतको संवैधानिक इजलासले सोमबार दिउँसो १ बजे २८ घन्टाभित्र शेरबहादुर देउवालाई प्रधानमन्त्री नियुक्त गर्न परमादेश दिएको २२ घन्टा बितिसकेको छ।
सर्वोच्चको परमादेश अनुसार राष्ट्रपति विद्यादेवी भण्डारीले मंगलबार अपराह्न ५ बजेसम्म नेपाली काँग्रेस सभापति देउवालाई प्रधानमन्त्री नियुक्त गरिसक्नुपर्ने हुन्छ।
राष्ट्रपति भवन शीतल निवासमा देउवाको सपथको तयारी भइरहँदा प्रधानमन्त्री केपी शर्मा ओलीले अहिलेसम्म राजीनामा गरेका छैनन्। सर्वोच्चको आदेशअनुसार ओली काम चलाउ प्रधानमन्त्रीको रुपमा मात्र रहेकाले उनी र उनले विस्तार गरेका मन्त्रीमण्डलले राजीनामा दिनु नपर्ने अदालतको ठहर रहेको छ ।
शीतल निवासमा देउवाको सपथ साँझ ५ बजेको लागि तयारी छ।
सर्वोच्चको फैसलापछि प्रधानमन्त्री ओली सोमबार बेलुका राष्ट्रपति भण्डारीलाई भेट्न गएका थिए।
राष्ट्रपति भवन शीतल निवासबाट सपथबारे कुनै जानकारी गराइएको छैन। यद्यपी, प्रधानमन्त्री ओलीले दिउँसो २ बजेतिर बालुवाटर छाड्ने र साँझतिर सपथ गर्नेगरी राष्ट्रपति भवनमा तयारी भएको स्रोतले बतायो।
