चोलेन्द्र को हो? भन्दै नविना लामाले गुहारिन् राष्ट्रपति
कागजपत्र |
काठमाडौं – नेकपा एमालेकी नेतृ नविना लामाले प्रधानन्यायाधीश चोलेन्द्रसमशेर राणा र सर्वोच्च अदालतप्रति आक्रोश पोखेकी छन्।पुर्नस्थापित प्रतिनिधिसभाकी सांसद लामाले प्रधानमन्त्री तोक्ने को हो चोलेन्द्र? भन्दै आक्रोश पोखेकी हुन्।
मंगलबार बिहान सामाजिक सञ्जाल फेसबुकमार्फत लामाले राष्ट्रपतिबाट कुनै अस्वाभाविक कदमको अपेक्षा पनि गरेकी छन्। तर, त्यो कदम कस्तो हो भन्ने चाहिँ उनले खुलाएकी छैनन्।
लामाले सामाजिक सञ्जाल फेसबुकमालेखेकी छन्, ‘प्रधानमन्त्री तोक्ने को हो अदालत? को हो चोलेन्द्र? संसदले बनाउने हो प्रधानमन्त्री। हामीले स्वीकार्ने विधि। हामी पर्खिरहेको छु राष्ट्रपतिको कदम।’
सोमबार सर्वोच्च अदालतले प्रतिनिधिसभा पुर्नस्थापित गरी नेपाली कांग्रेसका सभापति शेरबहादुर देउवालाई २८ घण्टाभित्र प्रधानमन्त्री बनाउनु भन्ने आदेश दिएपछि प्रधानमन्त्री ओलीका समर्थकहरु आक्रोशित छन्।
सर्वोच्च अदालतको परमादेशसँगै राष्ट्रपति विद्यादेवी भण्डारीले देउवालाई आज साँझ ५ बजेसम्ममा प्रधानमन्त्री नियुक्त गर्नुपर्ने हुन्छ। राष्ट्रपति भवन शीतल निवासमा सपथ कार्यक्रमको तयारी भइरहँदा ओलीले अहिलेसम्म राजीनामा दिएका छैनन्।
