एआईजी सहकुल थापालाई दर्ज्यानी चिन्ह
कागजपत्र |
काठमाडौं– नेपाल प्रहरीका अतिरिक्त प्रहरी महानिरीक्षक (एआईजी) सहकुल बहादुर थापालाई दर्ज्यानी चिन्ह प्रदान गरिएको छ ।
आइतबार प्रहरी प्रधान कार्यालय नक्सालमा आयोजित विशेष समारोहबीच एआईजी थापालाई प्रहरी महानिरीक्षक शैलेश थापा क्षत्रीले दर्ज्यानी चिन्ह प्रदान गरेका हुन् ।
एआईजी थापालाई एआईजीको दरबन्दी थप गरी मन्त्रीपरिषद्ले बढुवाको सिफारिस गरेपछि डिआईजीबाट एआईजीमा बढुवा भएका थिए । यससँगै नेपाल प्रहरीमा ५ जना एआईजी भएका छन् ।
उक्त अवसरमा नेपाल प्रहरीका बरिष्ठ अधिकारीहरुको उपस्थिति रहेको थियो ।
एआईजीको दर्ज्यानी चिन्ह प्राप्त गरेसँगै थापाले मानव स्रोत विभागको नेतृत्व सम्हाल्नेछन् ।
