भर्याङबाट लडेर घाइते गुरूङको मृत्यु
कागजपत्र |
ताप्लेजुङ – आफ्नै घरको भर्याङबाट लडेर घाइते भएका ताप्लेजुङ फुङलिङका एक व्यक्तिको मृत्यु भएको छ। मृत्यु हुनेमा फुङलिङ नगरपालिका–४ तीनबरेका ४७ वर्षीय मदन गुरुङ रहेका छन्।
जिल्ला प्रहरी कार्यालय ताप्लेजुङका प्रहरी निरीक्षक आशिष पोखरेलका अनुसार बुधबार दिउँसो साढे ३ बजे घरको भर्याङ चढ्ने क्रममा अचानक चिप्लिएर लड्दा उनी घाइते भएका थिए।
टाउकोमा गहिरो चोट लागेका उनलाई उपचारका लागि सोही दिन बेलुका ४ बजे जिल्ला अस्पताल ताप्लेजुङ पुर्याइएको थियो।
अस्पतालमा उपचारकै क्रममा उनको सोही दिन राति ८ बजे मृत्यु भएको प्रहरीले जनाएको छ।
