एसबीआई बैंक लुटपाट प्रकरणः लुटपाटमा संलग्न ४ जना पकउ
कागजपत्र |
काभ्रे- नेपाल एसबीआई बैंक घ्याङलेख–२ बस्तीपुर, हायुटार शाखामा मंगलबार राति भएको लुटपाटमा संलग्नमध्ये ४ जना पक्राउ परेका छन ।
स्थानीयको सहयोगमा उनीहरुलाई घ्याङलेख—१ सुकाचुरीबाट पक्राउ गरिएको जिल्ला प्रहरी कार्यालय सिन्धुलीका प्रमुख एसपी लालध्वज सुवेदीले बताए ।
मंगलबार राति नेपाल एसबीआई बैंकको घ्याङलेख–२ बस्तीपुर, हायुटार शाखामा लुटपाट भएको थियो । पाँच÷छ जनाको समूहले उक्त बैंकबाट ३ करोड १० लाख ९५ हजार २८३ रुपैयाँ लुटेका थिए ।
लुटिएको रकम मध्ये एक करोड ८० लाख १० हजार ५०० रुपैयाँ जंगललगायत विभिन्न स्थानबाट बरामद गरेको थियो ।
