करिश्मा उर्फ सूर्यकुमारीले छाडिन् एमाले !
कागजपत्र |
काठमाडौं – नेपाली चलचित्र क्षेत्रकी सदाबहार सुन्दरी नायिका करिश्मा मानन्धर उर्फ सूर्यकुमारीले राजनैतिक दल त्यागेको घोषणा गरेकी छिन् ।
नेकपा एमालेमा प्रवेश गरेसँगै आफ्नो न्वारनको नाम सूर्यकुमारी भएको सार्वजनिक गर्दै उनले सामाजिक सञ्जालमा समेत सूर्यकुमारी लेख्दै आएकी छिन् ।
विभिन्न राजनीतिक दल हुँदै पछिल्लो समय नेकपा एमालेमा रहेकी करिश्माले सामाजिक सञ्जालमार्फत् मानवता पहिलो प्राथमिकता रहेको बताउँदै कुनै पनि राजनीतिक दल वा संगठनसँग आबद्ध नभएको कुरा जनाएकी छिन् ।
उनले लेखेकी छिन्, ‘मानव भएर जन्मिएको नाताले,
मानवता नै मेरो पहिलो प्राथमिकता हो ।
न्याय मेरो पहिलो प्राथमिकता हो ।
आगामी सन्ततिप्रति जिम्मेवारी मेरो पहिलो प्राथमिकता हो ।
र, आफ्नै अन्तरात्माको आवाज सुन्ने सामर्थ्य मेरो पहिलो प्राथमिकता हो ।
अहिलेसम्म कुनै राजनीतिक संस्थामा मेरो संलग्नता यी सबै मूल्य र प्राथमिकताको हितका लागि मात्र थियो । तर आजदेखि म कुनै पनि राजनीतिक दल वा संगठनसँग आबद्ध नभएको कुरा स्पष्ट पार्न चाहन्छु ।
म जनता कै कलाकार थिएँ, जनता कै आवाज थिएँ, र आगामी दिनहरूमा पनि त्यही रूपमै रहिरहन चाहन्छु ।
Heartfelt tribute to the departed children.
Your sacrifice will surely be valued by this Nation .
