इलाममा जङ्गली च्याउ खाँदा दुईको मृत्यु, एक गम्भीर अवस्थामा

इलाम- इलामको माङ्सेबुङ गाउँपालिकामा जङ्गली च्याउ खाँदा दुई युवाको ज्यान गएको छ भने एक जना गम्भीर बिरामी भएका छन्। आइतबार भएको उक्त घटनामा माङ्सेबुङ–५ की १७ वर्षीया नुमा लावती र २२ वर्षीय मनिसा चेम्जोङको मृत्यु भएको इलाम प्रहरीले जनाएको छ।

घटनामा सोही ठाउँका धनराज साङ्बाङ गम्भीर घाइते भएका छन्। उनीहरूको स्वास्थ्यमा समस्या देखिएपछि तत्कालै अस्पताल लगिएको थियो।

इलाम प्रहरीका अनुसार उनीहरूले वनबाट संकलन गरेको च्याउ खाएका थिए। च्याउ सेवन गरेपछि केही घण्टामै वान्ता, पेट र टाउको दुख्ने जस्ता लक्षण देखिएका थिए। विषालु च्याउका कारण स्वास्थ्यमा गम्भीर असर परेको प्रारम्भिक अनुमान गरिएको छ।

प्रत्येक वर्ष नेपालका ग्रामीण भेगमा यस्तै घटनाहरू हुने गरेका छन्, जसमा जङ्गली च्याउलाई खाद्ययोग्य ठानी सेवन गर्दा मृत्यु हुने जोखिम रहँदै आएको छ। विज्ञहरू यस्तो च्याउ सेवन नगर्न र पुष्टि नभएसम्म जङ्गली च्याउ नछुन सुझाव दिन्छन्।