गोबर ग्याँसको सेफ्टी ट्यांकीमाथि मृत भेटिए रामपुरका काफ्ले
कागजपत्र |
काठमाडौं — पाल्पाको रामपुरमा एक पुरुष मृत फेला परेका छन् ।
जिल्लाको रामपुर नगरपालिका–५, भम्बकका अन्दाजी ५४ वर्षीय रामु काफ्ले गोबर ग्यासको सेफ्टिक ट्यांकीमाथि अचेत अवस्थामा भेटिएका थिए । त्यसपछि उद्धार गरिएका काफ्लेको उपचारका लागि रामपुर अस्पतालमा लगिए पनि चिकित्सकले उनलाई मृत घोषित गरेका छन् ।
अचेत अवस्थामा फेला परेका काफ्लेको निधनबारे छलफल र अनुसन्धान भइरहेको प्रहरीले जनाएकाे छ ।
