बाँकेको बाल सुधार गृहबाट तीन बन्दी फरार

नेपालगन्ज – बाँकेको नौबस्तामा रहेको बाल सुधार गृहबाट तीन जना बन्दी फरार भएका छन् । ‘सी’ ब्लकमा राखिएका २५ जनामध्ये बाँकेका सुनिल नेपाली, दाङका रेशम थापा र प्यूठानका गुमबहादुर नेपाली फरार भएका हुन् ।

रेशम र सुनिल कर्तव्य ज्यान र गुमबहादुर जबरजस्ती करणी मुद्दाका अभियुक्त हुन् । उनीहरु राति भागेको आशंका गरिएको छ ।

बाँके प्रहरीले उनीहरुको खोजी भइरहेको जनाएको छ ।