कञ्चनपुरमा दम्पतीको हत्या प्रकरण : घरमा थियाे अढाई लाख नगद
कागजपत्र |
काठमाडाैं- कञ्चनपुरमा सोमबार बिहान एक दम्पती मृत भेटिएका छन् । लालझाडी गाउँपालिका–१ बिनवारीका ४५ वर्षीय रमेश बडायक र उनकी ४१ वर्षीया श्रीमती कमला मृत भेटिएका हुन् ।
उनीहरू गाउँको घरभन्दा झण्डै डेढ किलोमिटर टाढा नास्ता पसल चलाउँदै आएका थिए । गाउँको घरमा परिवारका सदस्य बस्थे भनेपसल रहेको घरमा बडायक दम्पती मात्रै बस्ने गरेका थिए । गर्मी भएकाले बिहीबार राति उनीहरू बाहिर बरण्डामै सुतेका थिए । तर, शुक्रबार बिहान भने दुवै जनाकाे शव फेला परेकाे छ ।
जिल्ला प्रहरी कार्यालयका प्रवक्ता तथा प्रहरी नायब उपरीक्षक उमेश जोशीका अनुसार रमेशको शव आँगनमा भेटिएको छ भने उनकी श्रीमती कमलाको शव नजिकै बरण्डामा भेटिएको थियाे भने कमलाको शव सुत्ने ओछ्यानको नजिकै झुलमा रक्ताम्य लटपटिएको थियो ।
दुवै जनाको अनुहार र टाउकोमा चोट देखिएकाले प्रहरीले हत्या भएकाे भनिरहेकाे छ । उनीहरूले बिहीबार बैंकबाट पैसा निकालेका थिए । तर, बैंकबाट झिकेको पैसाकै कारण घटना घटेको पनि भन्न सकिने अवस्था पनि नरहेकाे प्रहरी बताउँछ । किनभने अढाई लाख घरमै भेटिएको छ ।
घटनाको अनुसन्धानका लागि डीएसपी उमेश जोशीको कमान्डमा प्रहरी टाेली र प्रदेश प्रहरीबाट तालीमप्राप्त कुकुरसहितको टोली खटाइएको सुदूरपश्चिम प्रदेश प्रहरी प्रमुख डीआईजी रविन्द्र केसीले जानकारी दिए ।
दुवै को शव पोस्टमार्टमका लागि महनअस्पताल पठाइएकाे छ ।
