प्रहरी हिरासतबाटै ८ थुनुवा फरार

धनुषा – जिल्ला प्रहरी कार्यालय धनुषाको प्रहरी हिरासतबाट ८ जना थुनुवा फरार भएका छन् ।

आइतबार राति थुनुवा कक्षको झ्यालको भेन्टिलेशन फोडेर ८ जना थुनुवा फरार भएको प्रहरी स्रोतले जनाएको छ ।

हिरासतबाट ९ जना फरार भएकोमा एक जनालाई भने प्रहरीले नियन्त्रणमा लिएको छ ।

फरार भएकाहरूको खोजीका लागि रातिदेखि नै प्रहरीले सर्च अभियान चलाएको छ ।

थप विवरण आउन बाँकी छ ।