५ जना मृत अवस्थामा फेला
कागजपत्र |
काठमाडौं – देशका विभिन्न स्थानमा ५ जना मृत अवस्थामा फेला परेका छन् ।
प्रहरीका अनुसार काभ्रेको पाँचखाल नगरपालिका-६ ढुङ्गाना बेशी बस्ने ६० वर्षीय चन्द्र दनुवार सोही ठाउँस्थित सडकमा शनिबार मृत अवस्थामा फेला परेका छन् ।
त्यस्तै तनहुँको म्याग्दे गाउँपालिका-६ अकला टोल बस्ने ६१ वर्षीय तुलसी प्रसाद वाग्ले सोही ठाउँस्थित अकला मन्दिर अगाडि शनिबार मृत अवस्थामा फेला परेका छन् ।
यता चितवनको भरतपुर महानगरपालिका-८ अशोक चोकमा सोही ठाउँ बस्ने तनहुँ भानु नगरपालिका-१२ घर भएका ५२ वर्षीय जुद्ध बहादुर बुढा थापा शनिबार मृत अवस्थामा फेला परेका छन् ।
त्यसरीगरी दोलखाको शैलुङ गाउँपालिका-२ पाटास्थित थगाम जंगलको खोल्सामा सोही ठाउँ बस्ने ५३ वर्षीय दिल बहादुर अधिकारी शनिबार मृत अवस्थामा फेला परेका छन् ।
त्यस्तै दाङको शान्तिनगर गाउँपालिका-६ देबीपुरघाटस्थित बबई नदीमा दङ्गिशरण गाउँपालिका-३ बस्ने ५० वर्षीय बुद्धिराम चौधरी शनिबार मृत अवस्थामा फेला परेका छन् ।
यस सम्बन्धमा प्रहरीले थप अनुसन्धान गरिरहेको छ ।
