अधिवक्ता दाहाल जंगलमा झुन्डिएको अवस्थामा मृत फेला

काभ्रे – काभ्रे जिल्लाको पनौती नगरपालिकास्थित चौकोट जंगलमा एक पुरुष मृत अवस्थामा फेला परेका छन् ।

जिल्ला प्रहरी कार्यालय काभ्रेका डीएसपी राजकुमार श्रेष्ठका अनुसार रुखमा पासो लागेको अवस्थामा भेटिएको शव निकालेर पोष्टमार्टम गर्न धुलिखेल अस्पतालमा पठाइएको छ ।

प्रहरीका अनुसार पनौती–५स्थित चौकोट जंगलमा ओखलढुंगा स्थायी घर भई हाल बानेश्वर बस्दै आएका अधिवक्ता हरिशंकर दाहाल मृतावस्थामा फेला परेका हुन् ।

घटनाबारे थप विवरण आउन बाँकी छ ।