मिश्रित निर्वाचन प्रणाली हटाउन केन्द्रीय सदस्य लामाको प्रस्ताव, प्रत्यक्षतर्फ नै समावेशी बनाउन माग
कागजपत्र |
काठमाडौं – नेपाली कांग्रेसका केन्द्रीय सदस्य गणेश लामाले मिश्रित निर्वाचन प्रणालीमा पुनर्विचार गर्न माग गरेका छन् ।
नेपाली कांग्रेसका केन्द्रीय सदस्य लामाले जारी केन्द्रीय समिति बैठकमा बोल्दै लामाले मिश्रित निर्वाचन प्रणालीले कुनै पार्टीको बहुमत नआउँदा जनतामा अविश्वास सिर्जना भएको भन्दै यस्तो माग गरेका हुन् । लामाले प्रत्यक्ष निर्वाचन प्रणालीलाई नै समावेशी बनाउन माग गर्दै राष्ट्रिय सभालाई समावेशी बनाउनुपर्ने बताए ।
उक्त अवसरमा केन्द्रीय सदस्य लामाले राहत कोटाका शिक्षकका माग समाधानमा कांग्रेसले पहल लिनुपर्ने धारणा राखे । चाडबाड नजिकिँदै जाँदा मूल्यवृद्धि भएको भन्दै महँगी नियन्त्रणमा सरकारको ध्यानाकर्षण गराउन पनि माग गरे । कांग्रेस केन्द्रीय समिति बैठक सानेपामा जारी छ ।
